بحبك ولا مبقتش بحبك

بسال نفسى كل يوم
بحبك ولامبقتش احبك
ليه انا ابتدى يدخل فيا الندم
وحبك فى قلبى اصبح عدم
ليه بقى كلامك ليا مجرد كلام
ليه مبقتش افكر فيك
مبقتش حتى حاسه هواك
بجد حاسه انى مش عوزاك
مكذبتش لما قولت بحبك
بس مش عارفه ايه اللى غير طعم هواك
كنت بتمنى افضل العمر معاك
لكن دلوقتى مش عاوزه حبك
بدعى انى مكنش نصيبك
مش عاوزه اقولك هسيبك
لانى مش قد ذنب جرحك وعذابك
بتمنى يوم تيجى تقولى انى مش علشانك
مش عارفه ليه مبقتش اتعب فى غيابك
وحاسه انى بحب بعادك
مرتاحه اوى وانا مش سامعه صوتك
مبسوطه جدا من قله سؤالك
مش زعلانه انى مش بشوفك
مبقتش عاوزه لمستك
ولاحتى حنان بسمتك
والله مش حاله تمرد عليك
بس الموضوع كله كان باديك
حبه ميكنش فى حد فى حنيتك
وحبه تموتنى من قسوتك
لحد ماخلتنى مش عارفه بحبك ولا مبقتش احبك
بس اللى حساه انى مبتمناش لؤاك
والقلب خلاص مبقاش عوزك
وعندى يقين انى بطلت احبك
وبتمنى الراحه فى بعدك
مبقتش عاوزه اقولك بحبك
بس خايفه انى احس بظلمك
والقلب يتعذب بذنبك
خايفه يكون بعدى هيجرحك
وبسكينه برده هيذبحك
بس تعبت من كتر ماخبيت عنك
وكل ده ولسه خايفه اقولك